15.01.2008 / Pali informacija vashi debata pali Evropakiri Romani Strategija savi si pe tumari agenda ani plenarno sesija January ko Strasburg, loshale ka ova vi ka naisaras tumenge kana tumen shaj te len pobut dikipe palo akala punktoja:
- Evropakiri Romani Strategija si urgento rodipe thaj prioriteti vashi Evropakiri Unija, majbut pali situacija so sas ki Italija ko naklo bersh. I strategija shaj te del zutimos kal e Evropakiri Unija vi shaj te ovel instrumenti vash prevencija katar situacije sar so sas vi sar so shaj te aven ande Evropakere thema;
- I Evropakiri Romani Strategija trebal te del focus pe pozitivno solucije katare khera thaj dzivdipe Romengoro ki Evropa, te del buki e Romenge, te dzal majdur pali anti-diskiminacija thaj te kerel akcija kontra Anticiganizmo ando EU, te del zutimos pali edukacija e Romenge, pe sastipe ko Romane mahale thaj te vazdel i Romani politikani inkluzija.
Ande sa kada vrama e Evropakiri Romani Strategija trebal te lel e oficijalno rekomendacii kataro CoE, o OSCE Akcijako Plano palo Roma vi sar e programura katari Decade e Romengi.
- Putaripe katar Romano ofiso andi Evropakiri Komisija, te ovel prioriteti angluno vash o EU, majbut kana o Consilo e Evropakoro dikhlas kaj urgetno akcija thaj aktiviteti trebal te djan so majsigate. O Romano ofiso vash Romane puchimata shaj te del zutimos vash politika, implementacija thaj monitoring kotor katar Evropakiri Strategija vash o Roma ki Evropa;
- Evropakiri Romani Strategija trebul te del zutimos kal o Roma sar jekhutne dizutne ande EU thaj trebal te anel procesi vash konsultacija thaj kreacija jekhetane e Romane partneroncar;
- Roma ko EU si 12 milioni manush. Palo nevo buvljaripe kataro EU thaj o hulibe taro Balkanska thema o numero ka ovel katar 14-15 milioni thaj jekhetane e Turkija ka resel 16-17 milioni Rom;
|
Volver