Amari politikani pàrtia "UNIJA ROMA SRBIJE" akharel sa e Rromen and-e Evròpa, save si themutne e Srbiaqe thaj so si len dromarno lil Srbiaqo ja si len duj themutnimàta (jekh e Srbiaqo thaj avere themesqo) te an and-e konzulatùre thaj ambasàde e Srbiaqe thaj te keren registràcia and-e alosarnenqe lìste. Naj aver drom kaj te śaj aven te votosaren pala trin kurke kana ovèna e Parlamentaresqe alosarimàta, 21. Januàra 2007.

I UNIJA ROMA SRBIJE iklǒl bare listaça, kaj si 250 kandidàtura vaś-o Parlamènto. Maśkar lenθe si 5 doktòrura Rroma, 2 doktòrura e dandenqe, 15 jurìstura, 12 inźinièrura, 5 źurnalìstura, 4 ekonomìstura, 1 lingvìsto, 1 arxeològo, 1 reźisèro filmonqo, 26 studèntura, but psixològura, sociològura, filozòfura, oficèrura (potpukovnici, pukovnici) thaj avera...

P-e lìsta UNIJE ROMA SRBIJE si vi Evrèjura thaj Srbura. Maśkar lenθe si misalaqe o Aleksandar Mosić, jekh maśkar-e maj pinarde mujale e Beogradosqe Evrèjura; isi vi o Dr Miloš Šapić, dad e Aleksandar Sapićesqo, jekh vaterpolìsto, butśundo anda sa o sundal; si vi o Stanko Madić, asistènto and-e Dombimasqi Akadèmia and-o Novi Sad, so kerde les maj zoralo baśalno p-e violìna k-o berś 2006 thaj so xuterda e angluni prèmia e Srbikane Akademiaqi vaś-o antripe thaj o dombipe (SANU)...

And-e kampània amare partiaqi, si vi butkamle aktòrura Milena Dravic, Bora Todorovic, Goran Bregović, Marija Šerifović, Danijel Đurić...
   
Amari paròla si :
Maj laćhe manuśença śaj keras maj laćho ivipe !
E RROMA – MAJ OPRE DESAR SA E ĆINGARA
o Rrom maj anglal si manuś,
thaj o manuśipe si o maj zoralo laćhipe e manuśesqo!

O ivipe si  maj zoralo desar o meripe, o vortipe si thami mamuj-o bangipe, o manuśipe si te peravel o bimanuśipe!
   
KO SI P-E RIG E "UNIJAqi ROMA SRBIJE" – VOV OVÈLA P-E RIG E KHAMESQI!

AVEN SAVORRE P-O 21. JANUARA 2007, AVEN TE ANEN TUMARO KRLO E PARTIAQE "UNIJA ROMA SRBIJE"!